Лизинг нь түрээсийн нэг төрөл бөгөөд аливаа бараа бүтээгдэхүүнийг зээлээр худалдан аваад, зээлийг бүрэн төлсний дараа өөрийн өмчлөлд шилжүүлдэг хөрөнгө оруулалтын шинж чанарыг агуулдаг. Энэ нь тухайн хөрөнгийг шууд бэлэн мөнгөөр, нэг удаагийн том төлбөр төлж авахгүйгээр өөрийн орлогын боломжид тохируулан хэсэгчлэн сар тутам төлж, өөрийн болгох боломжийг бий болгодог.
Лизингийн зүйл нь автомашин, гар утас, 8811, 9911 утасны дугаар, гэр ахуйн электрон бараа болон техник хэрэгсэл зэрэг байдаг.
Лизингийн үндсэн давуу талууд:
- Энгийн зээлтэй харьцуулбал түрээслэгчийн (жижиг, дунд үйлдвэрлэгч) хувьд илүү урт хугацаатай, төлбөрийн ачаалал багатайгаар эд зүйлсийг худалдан авах боломжтой.
- Бараа бүтээгдэхүүнийг шууд ашиглах боломжтой;
- Нэмэлт барьцаа хөрөнгө шаарддаггүй;
Хэрхэн автомашины лизинг авах вэ?
- Лизинг авагч үйлчлүүлэгч нь шинэ, хуучин хүссэн автомашинаа сонгоно;
- Жи Эс Би Капитал ББСБ-ын салбар дээр ирж зээлийн судалгаа хийлгэнэ;
- Эдийн засагчтай лизингийн гэрээ байгуулж урьдчилгаа төлбөр болох автомашины үнийн дүнгийн 30% болон түүнээс дээш төлбөрийг Жи Эс Би Капитал ББСБ-ын дансанд байршуулна
- Зээл баталгаажиж автомашины нийт үнийн дүнг Жи Эс Би Капитал ББСБ автомашин худалдаалагчид шилжүүлнэ.
