Манай компани нь ажилтнуудын цалингын зээлийг олгох зорилгоор Шунхлай группын хөрөнгө оруулалтаар 2010 оны 10-р сарын 5-ны өдөр үүсгэн байгууллагдсан бөгөөд Монголын томоохон групп компаниудын нэг “Шунхлай Холдинг” ХХК нь Жи Эс Би Капитал ББСБ-г 100 хувь эзэмшдэг.

“Жи Эс Би Капитал” ХХК нь Санхүүгийн Зохицуулах Хороо (СЗХ)-ны 2010 оны 10-р сарын 27-ны өдрийн 325 тоот тогтоолоор “Банк бус санхүүгийн үйл ажиллагаа эрхлэх” тусгай зөвшөөрлийг авч 12 жил үйл ажиллагаа тасралтгүй явуулж, банк бус санхүүгийн байгууллагын бүхий л төрлийн үйлчилгээг шуурхай, хүртээмжтэй хүргэдэг үзүүлдэгээрээ зах зээлд танигдаж, ТОП 5 ББСБ-ын нэг болж өргөжсөн. 

Жи Эс Би Капитал ББСБ нь Улаанбаатар хотод 10, хөдөө орон нутагт 1 салбар нээж нийт 11 салбар нэгжээр дамжуулан тогтвортой, хүртээмжтэй зээлийн үйл ажиллагааг хүргэснээр өдгөө 30,000 гаруй харилцагчтай болсон байна. Жи Эс Би Капитал ББСБ нь харилцагчдын итгэж байршуулсан итгэлцэл, бондын хөрөнгө оруулалтыг үр ашигтай, найдвартай байршуулж, хамтын үнэ цэнийг нэмэгдүүлэхэд анхаарч ажилладаг.

Жи Эс Би Капитал ББСБ нь 2013 онд банк бус санхүүгийн салбартаа хамгийн анхны зээлийн картыг Худалдаа Хөгжлийн банктай хамтран зах зээлд нэвтрүүлсэн бол үүнийг улам өргөжүүлж Капитрон банктай хамтарсан зээлийн картыг 2019 онд нэвтрүүлсэн. Мөн 2020 онд дэлхийд хүлээн зөвшөөрөгдсөн Micro Finanza Rating S.R.L. санхүүгийн байгууллагуудын зээлжих зэрэглэл, эрсдэлийг үнэлж олон улсад хүлээн зөвшөөрөгдсөн үнэлгээ олгогч агентлагаас Монгол улсын ББСБ-ын салбарт анх удаа хамгийн өндөр “BBB” үнэлгээг авсан.

2021 оноос манай байгууллага нь тогтвортой хөгжилд хувь нэмэр оруулж, байгал орчинд ээлтэй, ногоон эдийн засгийг бүтээхэд анхаарч ТоС Холбоонд элсэж, анхны байгал орчинд ээлтэй, иргэдийн орон байрны дулаалгыг сайжруулах, нүүрсний хэрэглээг багасгах ЧИП зээлийг Улаанбаатар хотын агаарын бохирдол ихтэй Сонгино хайрхан болон Баянзүрх дүүргүүдэд амжилттай олгож, зах зээлд таниулж чадсан.